FILASTROCCHE, STORIE E VERSI: CUMPA TORI PARLA PARLA
- Titolo
- FILASTROCCHE, STORIE E VERSI: CUMPA TORI PARLA PARLA
- Copertura territoriale
- TORRE SANTA SUSANNA
- Origine
- https://www.lavoceassociazioneculturaleasud.it/w/2023/04/06/riceviamo-e-pubblichiamo-da-cumpa-tori-parla-parla/
- Descrizione
-
Cumpà Tori parla parla,
quiru ca tici è mai cundanna.
Carissimu Dirittori sontu Cumpà Tori,
nu povuru villanu ti la Torri ca mi soprannomunu ”Tori parla parla”.
Sustanzialmenti non mi fazzu mai li ca… mia.
Osci ca sta chioi, ti vogghiu parlu ti li cozzi munaceddi.
Li lumachi in tagliano.
Quannu chioi, puru ti sti tiempi ntra li scarcioppuli,
essunu ti sotta terra, e prima cu li cugghiumu nui e ndi li futtimu, spritti e cu lu sucu,
loru si fottunu tutti li scarcioppuli e fannu tannu allu lavoru ti li poviri villani.
Mo ca sta riunu li lizioni, puru in pulitica essunu li cozzi munaceddi,
quiri ca no se nu visti mai e essunu ti sotta terra cu si fottunu la fatia ti l’atri.
Sontu ti tutti li culuri bianchi, russi, neri.
Quannu mangiunu so bravi a mangiari, ca rricalunu tuttu quiru ca l’atri è nu fattu, e fannu tanta scuma cu mucciunu no soltantu lu tannu ca fannu ma cu si prisentunu comu no sontu.
Caminunu curcati, la natura cussì le fatti. Ci no li cogghi nisciunu si sconnunu n’atra vota, e la prossima vota ca chioi essunu arretu.
Ce te ghia diri Dirittori mia, li cozzi munaceddi so bbueni cu ti li mangi, ma nde ma sta attenti ca no sempri so megghiu ti quiri ca è nu sempri fatiatu.
No sacciu ci me ghiu spiecatu buenu, ma pi mo ti salutu dovirosamente.
-Lu Tori Parla Parla-
- Collezione
-
Torre Santa Susanna
Parte di FILASTROCCHE, STORIE E VERSI: CUMPA TORI PARLA PARLA